«Барселона» январь ойидаги трансфер ойнаси учун янги ҳужумчи номзодини ўз рўйхатига қўшди.
Инсайдер Экрем Конур маълумотига кўра, Каталония клуби Колумбия терма жамоаси ва Лиссабоннинг «Спортинг» клуби ҳужумчиси Луис Суаресга қизиқиш билдирмоқда.
28 ёшли футболчи ўтган йил ёзидан бери «Спортинг» сафида тўп сурмоқда. Унинг Португалия клуби билан амалдаги шартномаси 2030 йил июнь ойи охиригача мўлжалланган.
Transfermarkt портали Суареснинг бозор қийматини 30 миллион еврога баҳоламоқда.
Колумбиялик ҳужумчи жорий мавсум Португалия чемпионатида 7 та учрашув ўтказиб, 6 та гол урган.
