«РБ Лейпциг» ҳимоячиси Кастелло Люкеба Европанинг бир қатор топ-клублари қизиқиш доирасига тушган.

Инсайдер Экрем Конур маълумотига кўра, «Барселона» бош мураббийи Ханс-Дитер Флик 23 ёшли франциялик футболчини клубнинг асосий трансфер мақсадларидан бири сифатида белгилаган.

Бироқ каталонияликлар Лукеба учун кучли рақобатга дуч келиши мумкин. «Арсенал», «Челси» ва «Манчестер Юнайтед» ҳам ҳимоячининг фаолиятини диққат билан кузатиб бормоқда.

Transfermarkt портали Люкебанинг бозор қийматини 50 миллион еврога баҳоламоқда.

Футболчининг «РБ Лейпциг» билан амалдаги шартномаси 2029 йил июнь ойи охиригача мўлжалланган.