Португалия миллий терма жамоаси ва Туриннинг «Ювентус» клуби вингери Франсишку Консейсау ўтган ёзда «Ливерпуль»нинг қизиқиш доирасида бўлган эди. Аммо «қизиллар» томонидан аниқ таклиф тушмади.

Журналист Экрем Конурнинг ижтимоий тармоқларда хабар беришича, январь ойидаги трансфер ойнасида АПЛ клублари 23 ёшли португалиялик футболчига қизиқиш билдиришлари мумкин.

Франсишку 2025 йилнинг ёзидан бери «кекса синьора» шарафини ҳимоя қилиб келмоқда. Футболчининг бозор қиймати 30 миллион еврога баҳоланмоқда. Томонлар ўртасидаги амалдаги меҳнат шартномаси муддати 2030 йилнинг июнь ойи охирида тугайди.