«Реал»да кутилмаган муаммо юзага келгани ҳақида хабар тарқалди. Журналист Родра маълумотига кўра, жамоанинг бир нечта футболчисида ортиқча вазн аниқланган.
Манба таъкидлашича, гап жамоанинг айрим юлдуз ва етакчи футболчилари ҳақида кетиши мумкин. Бироқ аниқ исмлар ошкор қилинмаган.
Шунингдек, клуб ходимлари мазкур футболчиларнинг мавқеи сабаб уларни ортиқча вазн масаласида очиқ танқид қилишга журъат этмаётгани айтилмоқда.
«Реал»да футболчиларнинг овқатланиши ва жисмоний юкламалари қатъий назорат қилинади. Шу боис манба ортиқча вазн билан боғлиқ ҳолат футболчиларнинг шахсий интизомига боғлиқ бўлиши мумкинлигини таъкидлаган.
