«Real»da kutilmagan muammo yuzaga kelgani haqida xabar tarqaldi. Jurnalist Rodra ma’lumotiga ko‘ra, jamoaning bir nechta futbolchisida ortiqcha vazn aniqlangan.

Manba ta’kidlashicha, gap jamoaning ayrim yulduz va yetakchi futbolchilari haqida ketishi mumkin. Biroq aniq ismlar oshkor qilinmagan.

Shuningdek, klub xodimlari mazkur futbolchilarning mavqei sabab ularni ortiqcha vazn masalasida ochiq tanqid qilishga jur’at etmayotgani aytilmoqda.

«Real»da futbolchilarning ovqatlanishi va jismoniy yuklamalari qat’iy nazorat qilinadi. Shu bois manba ortiqcha vazn bilan bog‘liq holat futbolchilarning shaxsiy intizomiga bog‘liq bo‘lishi mumkinligini ta’kidlagan.