«Барселона» ва Камерун терма жамоасининг собиқ ҳужумчиси Самюэль Это’О «Олтин тўп» топшириш маросими олдидан Ламин Ямалга бағишланган пост эълон қилди.

«Даҳo, қўрқмас, истеъдодли... «Олтин тўп» учун курашда сенга омад тилайман. Аммо якуний қарор қандай бўлишидан қатъи назар, бир нарса аниқ: Усмон каби сен ҳам аллақачон қалбларимиздаги «Олтин тўп»сан.

Бизга орзу қилиш имконини беришда давом эт», — деб ёзди Это’О.

Ламин Ямал собиқ «Барселона» ҳужумчисининг ушбу пости билан ўз ижтимоий тармоқларида бўлишди.

Аввалроқ испаниялик футболчи соврин учун алоҳида тарғибот кампанияси олиб бормаслигини айтган эди. Кейинчалик эса қўлга киритган совринлари туфайли ўзини «Олтин тўп»га муносиб деб ҳисоблашини таъкидлади.

«Олтин тўп»ни топшириш маросими 26 октябрь куни бўлиб ўтади.