«Barselona» va Kamerun terma jamoasining sobiq hujumchisi Samyuel Eto’O «Oltin to‘p» topshirish marosimi oldidan Lamin Yamalga bag‘ishlangan post e’lon qildi.

«Daho, qo‘rqmas, iste’dodli... «Oltin to‘p» uchun kurashda senga omad tilayman. Ammo yakuniy qaror qanday bo‘lishidan qat’i nazar, bir narsa aniq: Usmon kabi sen ham allaqachon qalblarimizdagi «Oltin to‘p»san.

Bizga orzu qilish imkonini berishda davom et», — deb yozdi Eto’O.

Lamin Yamal sobiq «Barselona» hujumchisining ushbu posti bilan o‘z ijtimoiy tarmoqlarida bo‘lishdi.

Avvalroq ispaniyalik futbolchi sovrin uchun alohida targ‘ibot kampaniyasi olib bormasligini aytgan edi. Keyinchalik esa qo‘lga kiritgan sovrinlari tufayli o‘zini «Oltin to‘p»ga munosib deb hisoblashini ta’kidladi.

«Oltin to‘p»ni topshirish marosimi 26 oktyabr kuni bo‘lib o‘tadi.