Собиқ бразилиялик футболчи Роберто Карлос кўпчилик ватандошлари босиб ўтган йўлни такрорлади.
«Менинг ҳисобимни бўшатиб қўйган одамлар билан муаммоларим бўлган. Собиқ агентимнинг ҳаракатлари ва оилавий келишмовчиликлар сабабли мен футболда топган нарсаларимнинг 99 фоизини йўқотдим. Мен хатоларга йўл қўйдим, шунинг учун ёш футболчиларни уларни такрорламасликка чақираман. Кунлардан бир куни пайшанбада мен ярим тунда ухлашга ётдим, эртаси куни эса қўлимга мавжудлигини хатто хаёлимга ҳам келтирмаган бир уюм ҳужжатларни тутқазишди. Айнан ўшанда мен ўзимда бор бўлган ҳамма нарсадан маҳрум бўлдим», – деди Роберто Карлос derbyderbyderby.it нашрига.
Бразилиялик футболчи ўзининг ўйинчилик фаолиятини 2015 йилда якунлаган эди.
