«Рома» ҳужумчиси Пауло Дибала қийин танлов олдида қолди: у Буэнос-Айресга бориб, Лионель Мессининг Аргентина терма жамоасидаги хайрлашув ўйинида иштирок этишни ёки клуб ихтиёрида қолишни танлаши керак.
«Рома» бош мураббийи Жан Пьеро Гасперини Дибала ва Науэль Молинанинг узоқ парвозга чиқишига қарши.
Аргентина футбол ассоциацияси 2022 йилги жаҳон чемпионати ғолибларининг барчасини 6 октябрь куни «Эстадио Монументаль»да Бенинга қарши ўтадиган учрашувга фахрий меҳмон сифатида таклиф қилган.
Бироқ Гасперини икки муҳим футболчининг 14 соатлик парвоз қилиши ва жамоанинг муҳим ўйинлари олдидан учта машғулотни ўтказиб юборишини истамаяпти.
«Рома» раҳбарияти ҳам футболчиларнинг жисмоний ҳолатини уларнинг трибунада меҳмон сифатида иштирок этиш истагидан устун қўймоқда.
2024 йил сентябридан буён Аргентина терма жамоасига чақирилмаган Дибала Мессини муносиб кузатиш имкониятидан мамнун бўлар эди. Гасперини эса сешанба куни футболчи билан бу масалани алоҳида муҳокама қилишни режалаштирмоқда.
