«Roma» hujumchisi Paulo Dibala qiyin tanlov oldida qoldi: u Buenos-Ayresga borib, Lionel Messining Argentina terma jamoasidagi xayrlashuv o‘yinida ishtirok etishni yoki klub ixtiyorida qolishni tanlashi kerak.
«Roma» bosh murabbiyi Jan Pyero Gasperini Dibala va Nauel Molinaning uzoq parvozga chiqishiga qarshi.
Argentina futbol assosiasiyasi 2022 yilgi jahon chempionati g‘oliblarining barchasini 6 oktyabr kuni «Estadio Monumental»da Beninga qarshi o‘tadigan uchrashuvga faxriy mehmon sifatida taklif qilgan.
Biroq Gasperini ikki muhim futbolchining 14 soatlik parvoz qilishi va jamoaning muhim o‘yinlari oldidan uchta mashg‘ulotni o‘tkazib yuborishini istamayapti.
«Roma» rahbariyati ham futbolchilarning jismoniy holatini ularning tribunada mehmon sifatida ishtirok etish istagidan ustun qo‘ymoqda.
2024 yil sentyabridan buyon Argentina terma jamoasiga chaqirilmagan Dibala Messini munosib kuzatish imkoniyatidan mamnun bo‘lar edi. Gasperini esa seshanba kuni futbolchi bilan bu masalani alohida muhokama qilishni rejalashtirmoqda.
