Миллатлар лигаси гуруҳ босқичининг биринчи турида Туркияга қарши ўтган учрашув Килиан Мбаппе учун Франция терма жамоаси сафидаги 107-ўйин бўлди.
Бу кўрсаткич бўйича «Реал» ҳужумчиси 1998 йилги жаҳон чемпиони ва Евро-2000 ғолиби Патрик Виейра билан 8-ўринни бўлишиб турибди. Мбаппе Франция терма жамоасининг ҳозирги бош мураббийи Зинедин Зидандан атиги битта ўйинга ортда қолмоқда.
Туркияга қарши баҳсда Мбаппе 54-дақиқада учрашувдаги ягона голни урди. Бироқ зарба бериш вақтида жароҳат олгани сабаб терма жамоа ихтиёрини тарк этиб, Мадридга қайтиши керак бўлади.
Франция терма жамоаси тарихидаги энг яхши тўпурар бўлган Мбаппе миллий жамоа сафида жами 67 та гол урган.
Шунингдек, ушбу учрашув «Ренн» ҳужумчиси Эстебан Леполь учун Франция терма жамоасидаги дебют ўйини бўлди.
