«Барселона» ёшлар жамоасининг собиқ мураббийи Оскар Лопес Фермин Лопес жисмоний имкониятларидаги камчиликлар устида қандай ишлагани ва Европадаги энг хавфли ҳужумкор ярим ҳимоячилардан бирига айланганини тушунтирди.

«Фермин ҳар доим натижа кўрсатадиган футболчи. У бир неча йил олдин ҳам яхши ўйнаётган эди, ўша пайтда жисмонан анча кучсиз бўлгани учун унга жуда қийин эди.

Жисмоний чекловлари уни чидамлилик ва футболнинг кўплаб жиҳатлари устида ўзига хос тарзда ишлашга мажбур қилди. Масалан, бўш ҳудудларга очилиш, бир ёки бир неча тегинишда ўйнаш, зарба бериш ва яна жуда кўп техник жиҳатлар.

У шериклари билан яхши ҳаракат қила олади ва ўз жисмоний имкониятларидан максимал даражада фойдаланишни билади. Майдонга 10 дақиқага тушадими ёки асосий таркибда ўйинни бошлайдими — бунинг фарқи йўқ.

Баъзида у жаҳлдор кўриниши мумкин, аммо бу шунчаки унинг характери ва ўйинга тўлиқ эътибор қаратиш усули», — деди Оскар Лопес.