«Барселона» ва Испания терма жамоаси ҳужумчиси Ламин Ямал вақт ўтиши билан катта ғалабаларга муносабати қандай ўзгаргани ҳақида гапирди.

"Европа чемпионатида ҳатто ким эканимни, қаерда турганимни ва бунинг қанчалик муҳимлигини тушунмасдим. Имтиҳон топшириб, эртаси куни Францияга қарши ўйнашим мумкин эди, чунки бу икки воқеа ўртасидаги фарқни англамасдим. Ғолиб бўлганимиздан кейин: «Яхши, аммо Жаҳон чемпионати бундан-да муҳим эмасми?» деб ўйладим.

Энди Европа чемпионати нимани англатишини тушуняпман. Жаҳон чемпионати нима эканини ҳам биламан.

Буни кейинги мусобақага бориб, мағлуб бўлганингдагина ҳақиқий ҳис қиласан", — дея Ямалнинг сўзларини келтиради The Guardian.