Келаси йили Таиланд мамлакатида бўлиб ўтадиган U-16 ўсмирлар ўртасидаги Осиё чемпионати финал босқичида ўйнайдиган барча 16 та терма жамоанинг номи маълум бўлди.

Унга кўра, саралашнинг 10та гуруҳида дастлабки ўринни эгаллаган 10та жамоа, шунингдек, саралаш гуруҳларида энг яхши кўрсатгичга эга бўлган 5та иккинчи ўрин соҳиблари келаси йили Таиландда бўлиб ўтадиган U-16 ўсмирлар ўртасидаги ОЧ йўлланмасини қўлга киритишди.

Эслатиб ўтамиз, Таиландда бўлиб ўтадиган Осиё чемпионати финал босқичига Темур Олимхўжаев бошчилигидаги Ўзбекистон U-16 ўсмирлар терма жамоаси ҳам йўлланмани қўлга киритди. Олимхўжаев шогирдлари Тошкентда бўлиб ўтган саралашнинг «В» гуруҳи ўйинларида Фаластин ҳамда Яман ўсмирлар терма жамоаларига қарши тўп суришди. Дастлаб, Фаластинни йирик - 9:0 ҳисобида мағлубиятга учратган Ўзбекистон U-16 ўсмирлари, иккинчи учрашувда Яман ўсмирларини ҳам мағлубиятга учратишди - 4:0.

Таиландда бўлиб ўтадиган U-16 ўсмирлар ўртасидаги Осиё чемпионати баҳслари 2014 йилнинг сентябрь ойида ўтказилади.

U-16 ўсмирлар ўртасидаги Осиё чемпионати финал босқичи барча иштирокчилари:

Мезбон:
Таиланд

Гуруҳ ғолиблари
1. Кувайт («А гуруҳи» ғолиби)
2. Ўзбекистон («В гуруҳи» ғолиби)
3. Непал («С» гуруҳи ғолиби)
4. Саудия Арабистони («D» гуруҳи ғолиби)
5. Эрон («Е» гуруҳи ғолиби)
6. Уммон («F» гуруҳи ғолиби)
7. Австралия («G» гуруҳи ғолиби)
8. Малайзия («Н» гуруҳи ғолиби)
9. КХДР («I» гуруҳи ғолиби)
10. Япония («J» гуруҳи ғолиби)

Энг яхши кўрсаткичга эга бўлган иккинчи ўрин соҳиблари:
11. Сурия («D» гуруҳи)
12. Хитой («I» гуруҳи)
13. Жанубий Корея («Н» гуруҳи)
14. Гонконг («G» гуруҳи)
15. Қатар («F» гуруҳи)