"Ливерпуль" ярим ҳимоячиси Алексис Мак Аллистер Мадриднинг "Реал" клуби қизиқиш доирасига тушди.

Мадридликлар келажаги ҳозирча ноаниқ бўлиб турган аргентиналик футболчининг вазиятини диққат билан кузатмоқда.

27 ёшли Мак Аллистернинг "Ливерпуль" билан амалдаги шартномаси 2028 йил ўрталарига қадар мўлжалланган. Яқинда футболчи шартномани узайтириш масаласида ҳеч қандай силжиш бўлмаётганидан норози эканини айтган.

Transfer News Live нашри Football Insider’га таяниб хабар беришича, агар "Ливерпуль" Мак Аллистер билан янги шартнома имзоламаса, "Реал" футболчи учун асосий даъвогарлардан бири бўлади.

Transfermarkt маълумотига кўра, Алексис Мак Аллистернинг бозор қиймати 70 миллион еврони ташкил қилади.