Испания терма жамоаси ярим ҳимоячиси Дани Ольмо Миллатлар лигаси 1-турида Англия устидан қозонилган 3:2 ҳисобидаги ғалабадан сўнг ўйин ҳақида фикр билдирди.
«Ўйин давомида биз яхшироқ кўриндик. Биринчи бўлимни жуда яхши бошладик, тўпни назорат қилдик, фаол ҳаракат қилдик ва бир нечта голли вазиятлар яратдик. Аммо кейин бир неча дақиқага концентрацияни йўқотдик. Бундай кучли рақибларга қарши бунга йўл қўйиб бўлмайди. Уларда юқори савияли футболчилар бор ва улар икки гол уришга муваффақ бўлди», — деди Дани Ольмо.
Гуруҳ босқичининг 2-турида Англия 29 сентябрь куни Чехияга қарши майдонга тушади. Шу куни Испания Хорватия билан баҳс олиб боради.
