«Манчестер Юнайтед» «Барселона»нинг испаниялик чап қанот ҳимоячиси Алехандро Бальденинг хизматларига қизиқиш билдирмоқда.
Ёзда «қизил шайтонлар» футболчини сотиб олишга ҳаракат қилиб кўришган эди. Аммо Бальде Каталония жамоасида қолишга қарор қилди. Таъкидланишича, агар футболчи етарли ўйин амалиётига эга бўлмасликда давом этса, қишда ўз позициясини қайта кўриб чиқиши мумкин.
Алехандро Бальденинг меҳнат шартномаси яна икки йил амал қилади. Transfermarkt ўйинчининг қийматини 50 млн еврога баҳоламоқда. Ҳимоячи — «Барселона» академияси тарбияланувчиси.
