Лондоннинг «Арсенал» клуби вингери Христос Цолис Миллатлар лигасида Грециянинг Германия устидан қозонган 1:0 ҳисобидаги ғалабасидан кейин ўз таассуротлари билан ўртоқлашди.

Грецияга сафардаги уч очкони 74-дақиқада Димитрис Курбелиснинг голи келтирди.

«Бу ерда ғалаба қозониш — ажойиб ҳис. Ўйин осон кечмади. Греция тарихда илк бор Германияни мағлуб этди ва бу айнан бугун содир бўлганидан жуда хурсандман.

Голимизда маълум даражада омад ҳам бор эди, аммо биз ўзимиз хоҳлаган тарзда ўйнадик ва натижадан мамнунмиз.

Германия юқори интенсивликда прессинг қилишини билардик. Шунинг учун уларнинг ўйинига қўшилиб кетишни истамадик ва узун узатмалар ҳамда қарши ҳужумларга таяндик.

Рақиб унчалик кўп голли вазият ярата олмади. Бу эса мени ҳайрон қолдирди», — деди Цолис ўйиндан кейин журналистларга.

Греция икки турдан сўнг 6 очко жамғариб, гуруҳда пешқадамлик қилмоқда.