МЛС доирасидаги «Коламбус Крю» ва «Интер Майами» жамоалари ўртасидаги учрашув ўз ниҳоясига етди. Коламбусда бўлиб ўтган баҳс мезбонларнинг 2:1 ҳисобидаги ғалабаси билан якунланди.

«Интер Майами» таркибида аргентиналик ҳужумчи Лионель Месси жарима зарбасидан гол урди.
«Коламбус Крю» таркибида эса пенальтини аниқ амалга оширган Хосеф Мартинес ҳамда Жамал Тьяре ажралиб туришди. Мезбонлар ғалаба голини 90+9-дақиқада киритишди.

Шу тариқа, «Интер Майами» МЛСда қаторасига бешта ўйиндан бери ғалаба қозона олмаяпти (тўртта дуранг ва бир мағлубият). «Коламбус Крю» эса ўз навбатида кетма-кет иккинчи ғалабасини қўлга киритди.

МЛСнинг навбатдаги турида «Интер Майами» «Ди-Си Юнайтед» билан куч синашади, «Коламбус Крю» эса «Орландо Сити»га қарши майдонга тушади. Иккала учрашув ҳам 11 октябрь куни бўлиб ўтади.