«Ан-Наср» ҳужумчиси Жоау Феликс Европага қайтиш режаси борлигини айтди.

«Европага қайтишни режалаштиряпман, гарчи бу дарҳол бўлмаслиги мумкин. Бу жорий мавсум охирида бўладими ёки кейинги мавсумдан сўнгми — билмайман. Аммо мен қайтишни, яна Чемпионлар лигасида ўйнашни ва у ерда яна рақобатлашишни истайман.

«Барселона»да ўйнашнинг ўзи мени жуда бахтли қилган. Бу мен, отам ва акам учун болалик орзуси эди. У клуб шарафини ҳимоя қилиш мен учун катта шараф бўлган», — дея 26 ёшли португалиялик футболчининг сўзларини AS келтирди.

Феликс 2025 йил июлидан буён «Ан-Наср» сафида тўп тепмоқда. Унинг клуб билан шартномаси 2027 йил 30 июнга қадар мўлжалланган.

2025/26 мавсумида у 47 та учрашувда 26 та гол урди ва 18 та голли узатмани амалга оширди.

Феликс аввалроқ «Милан», «Челси», «Барселона», «Атлетико» ва «Бенфика» клублари сафида ҳам тўп тепган.

Transfermarkt портали футболчининг трансфер қийматини 28 миллион еврога баҳоламоқда.