«Челси» «Атлетико» ҳимоячиси Маркос Льорентега қизиқиш билдираётган клублар қаторида.
Лондон клуби 31 ёшли испаниялик футболчи учун курашда «Бавария» билан рақобатлашиши мумкин.
Льорентенинг Мадрид клуби билан шартномаси жорий мавсум якунида ўз ниҳоясига етади. Бу эса «Челси»га футболчини январь ойида катта бўлмаган сумма эвазига ёки келаси ёзда эркин агент сифатида текинга қўлга киритиш имконини беради.
Льоренте ўнг қанот ҳимоячиси сифатида ҳам, ярим ҳимоянинг қаноти ёки марказида ҳам ҳаракат қила олади.
