"Брюгге" клубининг чап қанот ҳимоячиси Хоакин Сейс яна "Манчестер Юнайтед" таркибини кучайтириш вариантларидан бирига айланди. Бу ҳақда журналист Экрем Конур хабар берди.
Манба маълумотига кўра, "Манчестер Юнайтед"нинг асосий трансфер мақсадларидан бири бўлган Натаниэль Браун ёзда "Бавария"га ўтди. Клуб томонидан кўриб чиқилган яна бир футболчи Льюис Холл эса "Ньюкасл" билан янги шартнома имзолади.
Шундан сўнг "қизил иблислар" Хоакин Сейс вариантига қайтишни режалаштирмоқда.
21 ёшли футболчи жорий мавсумда барча мусобақалар ҳисобида 9 та учрашувда майдонга тушиб, 4 та голли узатмани амалга оширди.
Сейснинг "Брюгге" билан амалдаги шартномаси 2029 йилга қадар мўлжалланган. Transfermarkt портали унинг трансфер қийматини 20 миллион еврога баҳоламоқда.
