Лондоннинг «Арсенал» клуби аввал тарқалган миш-мишларга қарамай, «Манчестер Сити» ҳужумчиси Эрлинг Холанд билан алоқага чиқмаган. Бу ҳақда TEAMtalk хабар берди.

Манба маълумотига кўра, «Атлетико» ҳужумчиси Хулиан Альварес трансфери амалга ошмай қолганидан сўнг «Арсенал» янги марказий ҳужумчи излашда давом этмоқда. Бироқ «канонирлар» Холанд билан ҳеч қандай музокара ўтказмагани таъкидланмоқда. Хабарларга кўра, бу маълумотни футболчининг вакиллари ҳам тасдиқлаган.

Жорий мавсумда 26 ёшли Холанд барча мусобақалар доирасида 7 та ўйин ўтказиб, 7 та гол урди.

Transfermarkt маълумотига кўра, норвегиялик тўпурарнинг бозор қиймати 220 миллион еврони ташкил этади.