«Ливерпуль» марказий ҳимоячиси Виржил ван Дейк фаолиятини Мадриднинг «Реал» клубида давом эттириши мумкин. Бу ҳақда Fichajes хабар бермоқда.

Манба берган маълумотларга кўра, 35 ёшли нидерландиялик футболчини ўз сафида кўришни шахсан «Реал» бош мураббийи Жозе Моуриньо хоҳламоқда, чунки жамоа янги мавсум бошида ҳимояда муаммоларга дуч келмоқда. Ван Дейкнинг «Ливерпуль» билан амалдаги шартномаси келаси ёзда тугайди ва Football Insider хабарига кўра, клуб уни узайтиришни режалаштирмаяпти.

Ван Дейкнинг трансфери январь ойидаёқ амалга ошиши мумкинлиги қайд этилмоқда, чунки 2027 йилнинг ёзида ҳимоячи текинга тарк этиши мумкин.

Жорий мавсумда ван Дейк барча турнирларни ҳисобга олган ҳолда олтита ўйинда майдонга тушди ва маҳсулдор ҳаракатлар билан ажралиб турмади.