«Вильярреал» ҳимоячиси Ренату Вейга фаолиятини Лондоннинг «Челси» клубида давом эттириши мумкин. Бу ҳақда Topskills Sports UK хабар бермоқда.

Манба маълумотларига кўра, «кўклар» 2024/25 йилги мавсумда клуб шарафини ҳимоя қилган 23 ёшли португалиялик футболчини ортга қайтариш имкониятини кўриб чиқмоқда. 2025 йилнинг ёзида Лондон жамоаси ўйинчини «Вильярреал»га 24,5 млн еврога сотган эди.

Жорий мавсумда Вейга барча турнирларни ҳисобга олган ҳолда саккизта ўйинда майдонга тушди ва ўз ҳисобига битта голли узатма ёзиб қўйди.

Ҳимоячининг «Вильярреал» билан амалдаги шартномаси 2032 йилгача мўлжалланган. Transfermarkt мутахассислари португалиялик футболчини 30 миллион еврога баҳоламоқда.