«Челси»нинг собиқ ҳимоячиси Франк Лебёф Испания матбуотида Эстеваога «Барселона» қизиқиш билдираётгани ҳақидаги хабарлар фонида лондонликларга футболчини сотиш вариантини кўриб чиқишни маслаҳат берди.

My Gamble’га берган интервьюсида Лебёф шундай деди:

«Агар уни ишлатмоқчи бўлмасангиз, сотинг. Чунки у ўйнашга лойиқ ва бошқа жамоаларда ундан жуда яхши фойдаланишлари мумкин. У жуда катта иқтидорга эга».

Унинг қўшимча қилишича, Эстевао Хаби Алонсо қўл остида «қурбон қилиниши мумкин». Испаниялик мураббий жорий мавсумда ҳали вингерни Премьер-лига ўйинида асосий таркибда майдонга туширмаган.

19 ёшли футболчи 2025 йилда «Палмейрас»дан «Челси»га ўтган.

Жорий мавсумда «Челси» бешта ўйиндан сўнг турнир жадвалида 10-ўринни эгаллаб турибди.

Эстевао ўтган мавсумда 36 та учрашувда 8 та гол урди ва 4 та голли узатмани амалга оширди.

Халқаро танаффусдан кейин «Челси» ўз майдонида «Борнмут»ни қабул қилади.