«Chelsi»ning sobiq himoyachisi Frank Lebyof Ispaniya matbuotida Estevaoga «Barselona» qiziqish bildirayotgani haqidagi xabarlar fonida londonliklarga futbolchini sotish variantini ko‘rib chiqishni maslahat berdi.

My Gamble’ga bergan intervyusida Lebyof shunday dedi:

«Agar uni ishlatmoqchi bo‘lmasangiz, soting. Chunki u o‘ynashga loyiq va boshqa jamoalarda undan juda yaxshi foydalanishlari mumkin. U juda katta iqtidorga ega».

Uning qo‘shimcha qilishicha, Estevao Xabi Alonso qo‘l ostida «qurbon qilinishi mumkin». Ispaniyalik murabbiy joriy mavsumda hali vingerni Premyer-liga o‘yinida asosiy tarkibda maydonga tushirmagan.

19 yoshli futbolchi 2025 yilda «Palmeyras»dan «Chelsi»ga o‘tgan.

Joriy mavsumda «Chelsi» beshta o‘yindan so‘ng turnir jadvalida 10-o‘rinni egallab turibdi.

Estevao o‘tgan mavsumda 36 ta uchrashuvda 8 ta gol urdi va 4 ta golli uzatmani amalga oshirdi.

Xalqaro tanaffusdan keyin «Chelsi» o‘z maydonida «Bornmut»ni qabul qiladi.