Тайсон Фьюри Энтони Жошуага қарши жангдан сўнг қайси рақиб билан тушмоқчи эканлигини маълум қилди.

«У оддий оғир вазнли боксчи. Мен шунчаки уни нокаут қиламан, 6-7 раунд ичида бошини уриб ташлайман.

Жошуа – Усикдан олдинги чигил ёзиш машқи. Жошуа – қари бодибилдер. Темирни жуда кўп кўтаради, тезлик ва кардиоси кам. Кейин эса унинг сенсейи Усикни хоҳлайман. Аммо у билан жанг АҚШда, ҳалол ҳакамлик бўладиган жойда бўлишини хоҳлайман. Дастлабки иккита жангни мен ютган эдим», — деди Фьюри.

Фьюри ва Жошуа жанги 11 декабрь куни Кардиффда бўлиб ўтиши керак.