Дарвозабон Норберто Нето "Ювентус"га ўтиши ҳақида фикр билдирди. Аввалроқ хабар қилинганидек, 37 ёшли футболчи жорий мавсум охирига қадар эркин агент сифатида "кекса синьора" сафига қўшилди.

"Бу футболкани яна кийиш — ўзига хос ҳис. Қайтганимдан хурсандман ва жамоа билан бирга ушбу янги саҳифани бошдан кечиришга тайёрман", — дея Нетонинг сўзларини "Ювентус"нинг ижтимоий тармоқлардаги саҳифалари келтирди.

Нето аввал ҳам 2015 йилдан 2017 йилгача "Ювентус" шарафини ҳимоя қилган. Икки мавсум давомида у 22 та ўйин ўтказиб, А Серияда 2 марта чемпион бўлган, 2 та Италия кубоги ва 1 та Италия Суперкубогини қўлга киритган.

Шунингдек, у фаолияти давомида "Валенсия", "Барселона", "Борнмут", "Арсенал" ва "Ботафого" клубларида ҳам ўйнаган.

Нето жароҳат олган Камил Грабара ўрнини босиш мақсадида таркибга қўшиб олинди.