Италия терма жамоаси ярим ҳимоячиси Сандро Тонали УЕФА Миллатлар лигаси 2-турида Туркияга қарши бўлиб ўтадиган учрашув олдидан фикр билдирди.
Учрашув Бурса шаҳридаги "Бурса Бююкшехир Беледие" стадионида ўтказилади. Баҳсни англиялик ҳакам Майкл Оливер бошқаради.
"Мен ўйинга 100 фоиз тайёрман. Аввалги қийинчиликларни ортда қолдирдим ва жамоага ёрдам беришга тайёрман. Ярим ҳимояда айнан қайси позицияда ўйнашим муҳим эмас, чунки ўйиндаги вазифалар ҳар бир учрашувга қараб ўзгариши мумкин. Айрим ҳолатларда бир позицияда ҳаракат қилиш яхшироқ бўлади, бошқа вазиятларда эса бошқа жойда ўйнаш керак бўлади", — дея Тоналининг сўзларини УЕФА расмий сайти келтирди.
Гуруҳ босқичининг кейинги турида Туркия 2 октябрь куни Бельгияга қарши ўйнайди. Италия эса худди шу куни Франция билан баҳс олиб боради.
