"Болонья" жароҳат олган ўнг қанот ҳимоячиси Эмиль Хольмга ўринбосар излашни бошлади. Таркибга қўшиб олиш учун номзодлардан бири "Интер"нинг собиқ футболчиси Маттео Дармиан ҳисобланади.
Gazzetta dello Sport маълумотига кўра, Хольм ўнг сон орқа қисмидаги жароҳат сабаб операция қилиниши мумкин. У бу жароҳатни Миллатлар лигасида Швеция терма жамоасининг Руминияга қарши 2:1 ҳисобидаги ўйинида олган.
Футболчининг тикланиш жараёни 4 ойдан 6 ойгача давом этиши кутилмоқда.
"Болонья" Хольмнинг ҳолати бўйича якуний маълумотни кутмоқда, бироқ аллақачон унинг ўрнига номзодларни кўриб чиқишни бошлаган.
36 ёшли Дармиан "Интер" билан шартномаси якунланганидан сўнг эркин агент мақомида.
