Франция терма жамоаси УЕФА Миллатлар лигаси «А» лигаси А1 гуруҳи 2-турида Бельгияни 1:0 ҳисобида мағлуб этди.

Учрашув 28 сентябрь куни Бельгиянинг Брюссель шаҳридаги Қирол Бодуэн номидаги стадионда бўлиб ўтди.

Франция терма жамоаси ҳужумчиси Килиан Мбаппе ушбу баҳсда иштирок эта олмади. У Туркияга қарши ўйинда (1:0) жароҳат олган ва шундан сўнг миллий жамоа қароргоҳини тарк этган эди.

Учрашувдаги ягона гол 88-дақиқада Майкл Олисе томонидан урилди. Голли узатмани Райан Шерки амалга оширди. Ҳар икки футболчи ҳам 77-дақиқада захирадан майдонга тушган эди.

Франция 6 очко билан гуруҳда биринчи ўринни эгаллаб турибди. 3 очкога эга Бельгия эса иккинчи поғонада жойлашган.

2 октябрь куни Миллатлар лигаси гуруҳ босқичининг 3-турида Бельгия Туркияга қарши майдонга тушади, Франция эса Италия билан баҳс олиб боради.