Fransiya terma jamoasi UEFA Millatlar ligasi «A» ligasi A1 guruhi 2-turida Belgiyani 1:0 hisobida mag‘lub etdi.

Uchrashuv 28 sentyabr kuni Belgiyaning Bryussel shahridagi Qirol Boduen nomidagi stadionda bo‘lib o‘tdi.

Fransiya terma jamoasi hujumchisi Kilian Mbappe ushbu bahsda ishtirok eta olmadi. U Turkiyaga qarshi o‘yinda (1:0) jarohat olgan va shundan so‘ng milliy jamoa qarorgohini tark etgan edi.

Uchrashuvdagi yagona gol 88-daqiqada Maykl Olise tomonidan urildi. Golli uzatmani Rayan Sherki amalga oshirdi. Har ikki futbolchi ham 77-daqiqada zaxiradan maydonga tushgan edi.

Fransiya 6 ochko bilan guruhda birinchi o‘rinni egallab turibdi. 3 ochkoga ega Belgiya esa ikkinchi pog‘onada joylashgan.

2 oktyabr kuni Millatlar ligasi guruh bosqichining 3-turida Belgiya Turkiyaga qarshi maydonga tushadi, Fransiya esa Italiya bilan bahs olib boradi.