Италия терма жамоаси бош мураббийи Роберто Манчини Миллатлар лигаси гуруҳ босқичи 2-турида Туркия устидан сафарда қозонилган 4:1 ҳисобидаги ғалабага муносабат билдирди.
«Кайоде жуда яхши ўйнади, айниқса дастлабки 60 дақиқада. Ҳозир таркибимизда ёш футболчилар кўп ва бу учрашувдаги ғалаба улар учун жуда фойдали бўлди. Албатта, биз уларга бир ғалаба ёки бир мағлубият асосида баҳо бермаймиз.
Жисмоний жиҳатдан жуда яхши кўриндик. Биз доимо Италия терма жамоаси либосига муносиб футбол ўйнашга ҳаракат қиламиз. Менимча, Бельгияга қарши учрашувдан кейин муносиб жавоб қайтардик.
Мен Туркияда ажойиб даврларни ўтказганман ва бу ерда мени жуда илиқ кутиб олишди. Турк футболи ривожланишда давом этмоқда. Аммо бугун биз яхши ўйнадик. Менимча, бугунги натижанинг асосий сабаби — яхши ўйинимиз», — дея Манчинининг сўзларини УЕФА расмий сайти келтиради.
Италия терма жамоаси икки ўйиндан кейин 3 очко жамғариб, Миллатлар лигаси «А» дивизиони 1-гуруҳида учинчи ўринни эгаллаб турибди. 2 октябрь куни жамоа сафарда Францияга қарши майдонга тушади.
