Англия терма жамоаси ва «Манчестер Юнайтед»нинг собиқ ҳимоячиси Рио Фердинанд Рой Киннинг танқидидан кейин Коул Палмерни ҳимоя қилди. Англия — Испания ўйини олдидан Кин ҳужумчи ўйинида «жуда кўп ёмон одатлар бор»лигини айтган эди.
«Менимча, Англия терма жамоасида Коул Палмерга жой топилмайдиган таркибнинг ўзи йўқ. У жамоага алоҳида нимадир беради. У яхши ташкил этилган ҳимояни ёриб ўта олади ва бошқа футболчилар кўра олмайдиган пасларни кўради», — деди Фердинанд ўзининг YouTube-каналида.
«Палмер жуда иқтидорли футболчи ва у таркибда ёки унга жуда яқин бўлиши керак. У энг катта саҳнада ҳам ўзини йўқотиб қўймайди, унда керакли дадиллик бор.
Албатта, футболчининг соғлом бўлиши муҳим, жамоада яхши муҳит бўлиши ҳам аҳамиятли. Аммо бундай футболчиларни кутасан. Мен уни албатта асосий таркибда тушиши керак демаяпман, лекин жамоани у йўқ ҳолда тасаввур қилиш мен учун қийин.
Мен уни ажойиб футболчи деб ҳисоблайман. Балки Рой унинг «Брентфорд»га қарши унчалик яхши бўлмаган ўйинини кўргандир. Аммо Палмернинг тўп билан қила оладиган ишлари жуда кам футболчида учрайди».
Палмер соғлиги билан боғлиқ муаммолар сабаб терма жамоанинг сўнгги ўйинларини ўтказиб юборди. Аввалроқ у ЖЧ-2026 учун Англия терма жамоаси таркибига ҳам киритилмаган эди.
