«Барселона» янгиланган «Камп Ноу» стадионида яна қарийб 2 мингта VIP-жойни сотишни режалаштирмоқда.
The Touchline маълумотига кўра, клуб ҳозирга қадар қарийб 5 мингта VIP-жойни сотган ва бу 380 миллион евродан ортиқ даромад келтирган.
Қолган жойлар ҳам сотилган тақдирда, «Барселона»нинг VIP-жойлар савдосидан оладиган умумий даромади қарийб 700 миллион еврога етиши мумкин.
«Барселона» «Камп Ноу»да реконструкция ишлари ҳали тўлиқ якунланмаган бўлса-да, уй учрашувларини ушбу стадионда ўтказмоқда.
Аввалроқ хабар қилинганидек, 2026/27 йилги мавсум якунланганидан кейин каталонияликлар вақтинча «Олимпия стадиони»га қайтиши мумкин. «Камп Ноу» томини ўрнатиш ишлари сабаб жамоа 2027 йил июндан 2028 йил январга қадар ўша стадионда ўйнаши режалаштирилган.
