Футболчилик фаолиятини якунлаган испаниялик собиқ футболчи Санти Касорла энди севимли жамоаси «Овьедо»ни қўллаб-қувватлаш учун кўпроқ вақт ажратиш имконига эга бўлди.
Интернетда Касорланинг клубнинг бошқа мухлислари билан бирга «Овьедо» автобусини кутиб тургани акс этган видео кенг тарқалди. Автобус етиб келгач, у клуб шарфини жўшқин тарзда силкитиб, жамоани катта эҳтирос билан кутиб олди.
Касорланинг бундай муносабати унинг Астурия клубига бўлган садоқатини яна бир бор намойиш этди.
«Овьедо» ўтган мавсум Испания олий дивизионида ўз ўрнини сақлаб қола олмади ва яна Сегундага тушиб кетди.
