Лондоннинг «Арсенал» клуби швециялик марказий ҳужумчи Виктор Дьёкерешни ижарага бериш вариантини кўриб чиқмоқчи эмас. Бу ҳақда SI нашри хабар бермоқда.

Қайд этилишича, скандинавиялик футболчига «Милан» қизиқиш билдирмоқда. «Россонери» Дьёкерешни қўлга киритиш учун «канонирлар»га тахминан 70 миллион евро тўлашига тўғри келиши мумкин.

Жорий мавсумда Виктор «Арсенал» асосий таркибидаги ўрнини йўқотди. Ҳужумчи Англия Премьер-лигасида атиги 2 та ўйинда майдонга тушган.

28 ёшли футболчининг «Арсенал» билан шартномаси 2030 йил ёзига қадар амал қилади.

Унинг бозор қиймати 65 миллион евро деб баҳоланмоқда.