Афсонавий украиналик ҳужумчи Андрей Шевченко бугун, 29 сентябрь куни туғилган кунини нишонламоқда. Киевнинг «Динамо», «Милан» ва «Челси» клублари собиқ футболчиси 50 ёшга тўлди.

Италия клуби матбуот хизмати Шевченкони юбилейи билан табриклади.

«Барча даврларнинг энг буюк ҳужумчиларидан бири. Шева, бу сен учун», — дейилади «россонери»нинг ижтимоий тармоқлардаги хабарида.

Шевченко «Милан» сафида 1999 йилдан 2006 йилгача, шунингдек, 2008/09 мавсумида тўп тепган.

Украиналик футболчи «Милан» билан бирга А Серия чемпиони, Италия кубоги соҳиби ва УЕФА Чемпионлар лигаси ғолиби бўлган.

2004 йилда Шевченко «Олтин тўп»ни қўлга киритган.