Afsonaviy ukrainalik hujumchi Andrey Shevchenko bugun, 29 sentyabr kuni tug‘ilgan kunini nishonlamoqda. Kiyevning «Dinamo», «Milan» va «Chelsi» klublari sobiq futbolchisi 50 yoshga to‘ldi.
Italiya klubi matbuot xizmati Shevchenkoni yubileyi bilan tabrikladi.
«Barcha davrlarning eng buyuk hujumchilaridan biri. Sheva, bu sen uchun», — deyiladi «rossoneri»ning ijtimoiy tarmoqlardagi xabarida.
Shevchenko «Milan» safida 1999 yildan 2006 yilgacha, shuningdek, 2008/09 mavsumida to‘p tepgan.
Ukrainalik futbolchi «Milan» bilan birga A Seriya chempioni, Italiya kubogi sohibi va UYEFA Chempionlar ligasi g‘olibi bo‘lgan.
2004 yilda Shevchenko «Oltin to‘p»ni qo‘lga kiritgan.
