«Челси»нинг бразилиялик вингери Эстевао Виллиан катта эҳтимол билан клубда қолади. Бу ҳақда TEAMtalk хабар бермоқда.
Манба маълумотларига кўра, 19 ёшли футболчини Испаниянинг икки гранди — Мадриднинг «Реал» ва «Барселона» клублари синчковлик билан кузатиб бормоқда. Аммо «Челси» Эстеваода катта истиқболни кўрмоқда ва у билан хайрлашиш ниятида эмас. Бундан ташқари, футболчининг ўзи ҳам Лондонда бахтли ва жамоани тарк этиш ҳақида ўйламаяпти.
Жорий мавсумда Эстевао барча турнирларни ҳисобга олган ҳолда олтита ўйинда майдонга тушди ва ҳали самарали ҳаракатлари билан ажралиб турмади.
Вингернинг «Челси» билан шартномаси 2033 йилгача мўлжалланган. Transfermarkt экспертлари бразилиялик футболчини 80 миллион еврога баҳоламоқда.
