«Манчестер Юнайтед»нинг собиқ ҳужумчиси Уэйн Руни «Манчестер Сити» жазоланган тақдирда янги мукофотларни олишдан манфаатдор эмаслигини маълум қилди.

Ўтган ҳафтада «шаҳарликлар» АПЛ молиявий қоидаларини бузиш бўйича деярли барча айбловлар бўйича айбдор деб топилди — фақат биттасидан ташқари. 2023 йилнинг февраль ойида АПЛ «Сити»ни 2009 йилдан 2018 йилгача бўлган даврда 115 та турли молиявий қоидабузарликда айблаган эди. Кейинроқ The Times газетаси гап 115 та эмас, балки 130 та қоидабузарлик ҳақида кетаётганини хабар қилди.

«Рио Фердинанд яна бир Премьер-лига медалини олиш ҳақида айтганини эшитдим... Очиғини айтсам, яна бир Премьер-лига медалини қабул қилиш мен учун ноқулай бўларди.

Биз бунга лойиқ эдик деб ўйламайман, ўша мавсумда [2011/12] лигани ютиш учун етарлича яхши ўйнамагандик. Мавсум тугашига тўрт-беш тур қолганида олти ёки етти очко олдинда эдик шекилли, лекин бу устунликни бой бердик.

Сўнгги бир неча кун ичида содир бўлган ҳамма нарсани кўрдим, одамларни эшитдим ва ўзимни «Ман Сити» ўйинчилари ўрнига қўйиб кўрдим... Улар ўйинчилар, Премьер-лига титулини ютиш учун қўлидан келганини қилишади ва уларнинг фикрича, улар буни уддалашди. Агар футболчилар раҳбарият нима қилаётганини билшмаган бўлса ва бу мен билан содир бўлганида... Мен бутунлай вайрон бўлардим.

Уларни мукофотлардан маҳрум қилишлари мумкин, бу содир бўлиши мумкин, лекин мен медаль олишни хоҳламасдим, чунки жамоамиз ўша йили бунга лойиқ эди деб ўйламайман, чунки биз биринчи ўринни эгалламадик. Шунга кўра, жамоадошларимнинг «Мен медаль хоҳлайман» деяётганини кўрганимда, ўзимда бор бўлган бештасидан хурсанд бўламан. Менга яна биттаси керак эмас.

Эгалари қилган иши учун уларни мукофотдан маҳрум қилиш керакми? Ҳа, эҳтимол, лекин уни қабул қилиш менга ноқулай бўларди», — деди Руни Stick To United подкастида.