Англия Премьер-лигаси бош ижрочи директори Ричард Мастерс мустақил комиссиянинг "Манчестер Сити"ни лиганинг молиявий қоидаларини бузганликда айбдор деб топишига муносабат билдирди.
"Бу иш ва қабул қилинган қарор Англия Премьер-лигаси тарихидаги энг муҳим воқеалардан бири ҳисобланади. Ҳали айрим масалалар ҳал қилиниши керак. Улар орасида энг муҳими — қоидабузарликлар учун қандай санкциялар қўлланилиши масаласи", — дея Мастерснинг сўзларини АПЛ расмий сайти келтиради.
29 сентябрь куни мустақил комиссия "Манчестер Сити"ни 2009/10 мавсумидан 2017/18 мавсумигача бўлган даврда молиявий қоидаларни бузиш билан боғлиқ барча айблов бандлари бўйича айбдор деб топди.
"Шаҳарликлар" 2 октябрга қадар апелляция бериб, қарор устидан шикоят қилишлари мумкин.
