"ПСЖ" бош мураббийи Луис Энрике клуб президенти Носир ал-Хелаифийга мурожаат қилиб, "Барселона" ярим ҳимоячиси Гави учун таклиф тайёрлашни сўраган.
Гави "Барселона" марказий ярим ҳимоячилари орасидаги ўрнини йўқотиб, ҳозирда кам ўйин амалиётига эга бўлмоқда. Бу эса 22 ёшли футболчининг клубини ўзгартириши эҳтимолини оширмоқда.
"Энрике Гави унинг ўйин концепциясига жуда мос келишини ҳисоблайди ва Носир ал-Хелаифийдан тахминан 50 миллион евролик таклиф тайёрлашни сўраган", — дейилади El Nacional хабарида.
Қайд этилишича, Луис Энрике Гавининг юқори интенсивликда ҳаракат қилиши, прессингдаги фаоллиги ва катта тезликда ўйнай олиш қобилиятини доимо юқори баҳолаган.
Парижда ярим ҳимоячи яна ўзининг энг яхши формасига қайтиши мумкин, деб ҳисоблашмоқда.
Шу билан бирга, хабарларга кўра, "Барселона" Гавининг қийматини 50 миллион евродан юқори деб баҳоламоқда.
