«Барселона» президенти Жоан Лапорта Мадриднинг «Реал» клуби билан юзага келган зиддият ҳақида фикр билдирди. Функционер пойтахт клубининг ҳаракатлари туфайли ҳозирда икки клуб ўртасидаги алоқалар тўлиқ тўхтатилганини айтди.
«“Реал” ҳар бир баёнотида “Барселона”га ҳужум қилади. Биз фактларнинг бузиб кўрсатилишига тоқат қила олмаймиз. Вазият тўғриланишига ва масала ҳал этилишига умид қиламан.
Мадрид клуби билан муносабатлар узилганини сизлар аллақачон биласиз. Улар “Негрейра иши”га аралашишди. Бизнинг фикримизча, улар бу ишни фақат жараённи чўзиш, ўз телеканалининг таҳририй сиёсатини ва олдиндан тайёрлаб қўйилган ўз нарративини оқлаш учун қилишди. Келишмовчилигимиз моҳияти ҳам шунда. Ҳозирда биз билан улар ўртасида ҳеч қандай муносабат йўқ», — дея Лапортанинг сўзларини De Marke Sports X ижтимоий тармоғида келтирган.
