Мадриднинг «Реал» клуби ва Испания терма жамоаси марказий ҳимоячиси Дин Хёйсен ўтказиб юборилган жаҳон чемпионатини ёдга олди.
«Қизил фурия» бош мураббийи Луис де ла Фуэнте «қаймоқранглилар»нинг ёш марказий ҳимоячисини зафар билан якунланган мундиал қайдномасига киритмаган эди.
«Бу мен учун жуда катта ҳафсалапирсатлик бўлган ва буни эслаш ҳалигача менга алам қилади. Ҳамма нарсадан чалғишим кераклиги учун дўстларим билан таътилга жўнаб кетгандим», - дея Хёйсеннинг сўзларини келтиради The Touchline.
Сентябрь ойида 21 ёшли футболчи миллий терма жамоага қайтди. Сешанба куни у Миллатлар лигасида испанияликларнинг Хорватия терма жамоаси устидан қозонилган йирик ғалабасига (4:1) ҳисса қўшди ва учрашувни бошидан охиригача ўтказди.
