Испания терма жамоаси вингери Ламин Ямал Миллатлар лигасида Хорватияга қарши ўтказилган учрашувдаги дублдан сўнг журналистлар билан суҳбатлашди.
«Барселона»нинг 19 ёшли футболчиси учрашув қаҳрамонларидан бирига айланди. У 2 ва 63-дақиқаларда рақиб дарвозасини ишғол қилди, 68-дақиқада эса алмаштирилди.
«Бир ой олдин сизлар менга ёмон ўйнаяпсан, дегандингиз. Энди хотиржамман ва ўйиндан завқ оляпман. Аммо биламанки, одамлар учун қулай фурсат келиши билан бир ой олдин айтган гапларини яна такрорлай бошлашади», — дея Ямалнинг интервьюдаги сўзларини The Touchline келтирмоқда.
Ламин Миллатлар лигасининг жорий мавсумидаги икки учрашувда учта гол ва битта голли узатмани ўз ҳисобига ёзди. «Барселона» сафида эса жорий клуб мавсумидаги саккизта ўйинда 8 та гол ва 6 та голли узатма қайд этди.
