«Рома» ўз расмий сайтида Пауло Дибала ва Науэль Молина 6 октябрь куни Аргентинада бўлиб ўтадиган учрашувда иштирок этмаслигини маълум қилди.
Ўша куни Лионель Месси Аргентина терма жамоаси сафидаги сўнгги учрашувини ўтказади.
«Рома» ушбу воқеа Дибала ва Молина учун қанчалик муҳим эканини тушунади. Қарор спорт ва логистика билан боғлиқ сабабларга кўра, парвоз давомийлиги ҳамда клубнинг яқинлашиб келаётган учрашувлари инобатга олинган ҳолда қабул қилинди», — дейилади «Рома» баёнотида.
Клуб Мессига бўлган ҳурматини ҳам алоҳида таъкидлади:
«Рома» Лионель Мессига ва унинг буюк фаолиятига чуқур ҳурмат билдиради ҳамда унга ва Аргентина футбол ассоциациясига ажойиб кеча тилайди», — дея таъкидлади римликлар.
Аргентина терма жамоаси 6 октябрь куни Буэнос-Айресда Бенинга қарши ўйнайди.
