Франция чемпионатида «Лион» шарафини ҳимоя қилаётган 25 ёшли чехиялик ярим ҳимоячи Павел Шульц Европанинг учта клуби қизиқиш доирасига тушган. Бу ҳақда журналист Экрем Конур ижтимоий тармоқларда маълум қилди.
Инсайдер маълумотига кўра, Мадриднинг «Атлетико», Туриннинг «Ювентус» ва Бирмингемнинг «Астон Вилла» клублари ярим ҳимоячининг ўйинларини кузатиб бормоқда. Эҳтимолий трансфер қиймати қарийб 50 миллион еврони ташкил этиши мумкин.
Жорий мавсум Франция Лига 1 мусобақасида Шульц «Лион» сафида бешта учрашувда майдонга тушди. У учта голли узатмани амалга оширди ва битта сариқ карточка олди.
