«Ливерпуль»нинг нидерландиялик марказий ҳимоячиси Виржил ван Дейк жорий мавсум якунланганидан сўнг жамоасини ўзгартириши мумкин. Унинг мерсисайдликлар билан амалдаги шартномаси 2027 йил ёзида ўз ниҳоясига етади.
Инсайдер Экрем Конурнинг ижтимоий тармоқларда маълум қилишича, 35 ёшли футболчини ўз сафига қўшиб олишга бир қатор клублар қизиқиш билдирмоқда. Улар орасида Мадриднинг «Реал», Истанбулнинг «Галатасарой», «Милан» ва «Интер Майами» клублари бор.
Агар Ван Дейк «Ливерпуль» билан янги шартнома имзоламаса, ушбу клублар уни эркин агент сифатида текинга ўз сафига қўшиб олиши мумкин.
Ван Дейк 2018 йилдан буён «Ливерпуль» шарафини ҳимоя қилиб келмоқда. Ҳимоячининг бозор қиймати 15 миллион еврога баҳоланмоқда.
Жорий мавсум Англия Премьер-лигасида нидерландиялик футболчи бешта учрашувда майдонга тушди.
